Ecuadoraons hierevoetbalèlftal
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
't Ecuadoraons hierevoetbalèlftal vertreujt Ecuador in internationaol voetbalmatche. 't Team huurt vaanajds neet bij de sterkste vaan Zuid-Amerika, meh heet veural sinds 2000 noe en daan 'n aardeg rizzeltaot neergezat.
Historie bewirk
Voetbal woort in 1899 veur 't iers in 't land gespäöld. De sport woort mer laankzaamaon populairder en pas in 1925 woort 'ne nationaole boond opgeriech. 'n Aonbod um mèt te doen aon 't allerierste WK in Uruguay (1930) sloog 't team aof. Ouch aon de naokoumende edities deeg 't team neet mèt, al sjreef 't ziech veur 't WK vaan 1950 in Brazilië wel in (um ziech esnog veurtijeg trök te trèkke). De iersten internationaole match woort in 1938 op de Bolivariaonse Speule gehawwe (1-1 tege Bolivia). De match daonao, tege Colombia, woort mèt 2-1 gewonne.
Veur 't WK vaan 1962 sjreef Ecuador ziech veur 't iers in. 't Lökden 't team neet ziech daoveur te plaotse. De edities dao-op kaom 't team in 't gemein ouch neet in de buurt vaan kwalificatie. Pas bij de kwalificatie veur 't WK vaan 1998 naom 't succes touw. Veur jaor later kwalificeerde ze ziech veur 't iers; op 't WK vaan 2002 in Japan en Zuid-Korea indegde ze in de grópsfaas. Bij 't WK vaan 2006 kaom 't team tot de achste finaal; tot noe toe de bèste prestatie. Ouch in 2014 en 2022 dronge ze tot de indrunde door. Op de Copa América hadde ze noets groeter succes es de veerde plaots. Die haolde ze twie kier; allebei de kiere (1959 en 1993) woort 't toernooj in 't eige land gehawwe.