Duinkerke
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
- Dit artikel geit euver de stad Duinkerke. Veur 't arrondissemint Duinkerke zuug Duinkerke (arrondissemint)
Duinkerke (Wes-Vlaoms: Duunkerke; Frans: Dunkerque) is 'n industrieel havestad in Noord-Fraankriek aon de zuieleke kös vaan de Noordzie, zoe'n twinteg kilometer vaanaof de Belsje grens bij De Panne. De stad is de hoofplaots vaan 't gelieknaomeg arrondissemint, dat groof-eweg euvereinkump mèt de Franse Westhoek. Bestuurlek is de plaots 'n oonderprefectuur vaan 't Noorderdepartemint en 'n gemeinte in de regio Hauts-de-France.
De stad zelf heet zoeget negetegdoezend Duinkerkenere.[1] Same mèt zestien naobergemeintes vörmp 't de steieleke gemeinsjap vaan Duinkerke en daomèt kump de plaots oet op ruim twiehoonderddoezend lui.[2]
De stad is vaan nationaol beteikenis vaanwege häöre ziehave kortbij 't Kanaal, mèt tösse de veerteg en viefteg mieljoen ton aon euverslaag jaorleks.[3] Wijer is 't ziehavegebeed vaan Duinkerke 't daarde vaan 't land nao dat vaan Marseille en Le Havre.
De plaots steit in Frans-Vlaondere wel bekind door 't carnaval vaan Duinkerke, dat eder jaor oetbundeg weurt gevierd.
Referenties
bewirk- ↑ Bij de volkstèlling vaan 2013 had de stad 89.882 inwoeners.
- ↑ Bij de volkstèlling vaan 2013 had de gemeinsjap 198.814 inwoeners.
- ↑ In 't jaor 2016 tèlt 't ziehavegebeed 46,7 mieljoen ton aon euverslaag.
Extern linke
bewirk
|
Commons: Duinkerke – Media gerelateerd aan dit óngerwerp |