Dreiëntwintegste iew veur Christus

veerentwintegste iew veur Christus - dreiëntwintegste iew veur Christus - twieëntwintegste iew veur Christus

De dreiëntwintegste iew veur Christus is 'n iew dee mèt trökwèrkende krach weurt getèld in de westerse (christeleke) jaortèlling. Ze löp vaan de jaore 2300 tot en mèt 2201 veur Christus. In Mesopotamië waor dit d'n iew tot de Soemerische stadsstaote defintief oonder Akkadische regering kaome. In Egypte heersde de Zèsde Dynastie; dit liekent d'n tied te zien tot d'n Egyptischen adel ziech oontwikkelde en teikene vaan riekdom neet mie veur de farao allein waore.

Kop vaan 'nen Akkadische keuning, ofwel Sargon of ziene kleinzoon Naram-Sin.

Beeldsje vaan Ankhesetenpepi II mèt häöre zoon, de keend-farao Pepi II.

Sjief vaan Enheduanna, mèt de diechteres zelf es twiede vaan links.

Vaan aander deile vaan de wereld kin gein historie weure gesjreve, umtot gesjreve bronne oontbreke. De belaankriekste besjaving die 't neve Mesopotamië en Egypte gaof waor de Indusbesjaving.

Gebäörtenisse

De touwveuging 'veur Christus', die in deze contex veur ziech sprik, is eweggelaote. Jaortalle zien dèks oonzeker.

• 2279: Sargon vaan Akkad, de vereuvereer vaan alle Soemerische stadsstaote, störf en weurt opgevolg door Rimoesj.
• 2278: Pepi II weurt op zèsjaorege leeftied farao, mèt zien moojer Ankhesenpepi II es rezjentes. Heer zouw 94 jaor höbbe geregeerd, wat 'm de langs zittende voors oet de wereldhistorie zouw make.
• 2215: De Gutiaone vallen 't Akkadisch riek binne en verweuste Akkad.

Zoonder jaortal

• ca. 2300: Begin gebruuk metaal in Noord-Europa
• ca. 2300: Opkoms Úněticecultuur in Tsjechië
• ca. 2300: 't Bahr Yusufkenaal in Egypte weurt gegrave
• ca. 2250: Begin vaan 't Meghalayum, de lèste (huiege) faas vaan 't Holoceen
• ca. 2250: Begin maïscultuur in Midde-Amerika.

Persoenelekhede

Voorste

• Naram-Sin vaan Akkad
• Pepi I
• Pepi II
• Sargon vaan Akkad

Kunstenere en geisteleke

• Enheduanna