Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.


'n Dogma is e beginsel of 'n sjtèlling die door 'n euverheid, 'n religie of 'n organisatie weurt opgelag es óntaengesjpraekbaar waor. 't Vörmp den de primair basis worop 'n ideologie of geluif is geboewd. 'n Dogma is e fundamentaal concep det e gedachtegood óngerboewt; d'n aanhenger van 'n religie of ideologie weurt geach neet daovan aaf te wieken of 't te betwiefele.

Binne religies weurt de term besjrievend gehanteerd, meh daoboete dökker veroordeild. Den is 't e dinkbeeld det angere neet betwiefele, meh det volges de sjpraeker of sjriever waal zówwe mótte doon. 'ne Miens of 'n groep luuj waat dogmatisch weurt geneump haet dan ónbuugzaam geluifseuvertuginge en sjteit neet aop veur rationeel argumente.

Veurbeelde van dogma's binne de Rooms-katholieke kirk zeen de vief gebaoje van de Kirk, de ónbevlekde óntvangenis en de hèllige Drie-einheid.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Dogma&oldid=443633"