Äöpen houfmenu

Dit artikel is gesjreve (of begós) in 't Ruivers. Laes hie wie v'r mit de versjillende saorte Limburgs ómgaon.


De Geraniejums ies de naam van 'ne Venlose kolder- en dialekgroep. De naam Geraniejums is ontsjtaon door 't feit det de drie oprichters met de veurname alle drie met ein G beginne Ger Ger en Geert dus Ger-aniej-mich Ger-aniej-dich en Ger-aniej-um. De Geraniejums is ein trio wat in 't Venlose dialekt humoristische liedjes zingk, aaf gewisseld met hilarische sketches, wao in duudelik de twiésjtried tösse Venlo en Tegele wúúrt oetgebeeld, zoe as det vrúúger en soms ouch heden ten dage nog speelt in hielvúúl plaatse.

Dit trio is opgericht in 1997 door Ger Geerlings oet Ruiver en hoot in ierste instantie Ger en de Geraniejums, waat later is verangerd in gewúún de Geraniejums. De Hiere: Ger Geerlings oet Ruiver, Geert Thissen oet Tegele, en Ger van Enckevort oet Zjwame. vormde de Geraniejums die in ierste instantie nao 30 jaor same in bandjes te hebbe gespeeld, 't genog vonje, om idders kier maar weer met die groeëte versterkers te sleipe, en smorges in alle vruugte thoés te komme. Maar al nao ein maonjd det ze met die bandjes ware oetgesjeid, kroop 't muzikale blood dao wao 't neet gaon kôs en kwame de drie Hiere weer biej elkaar met 't plan om get angers te gaon doon, 't mos iets zien met kleine versterkers en ein klein drumstelke wat vlot opgebouwd en aafgebraoke kôs waere.

't Ierste idee waas om nummers oet de jaore 50 en 60 te gaon sjpele die van Anneke Grönlo en van Peter Kraus en Conny Fröboes. Maar nao ein paar kier repetere kwaam Ger Geerlings al flot met kolderieke Limburgse tekste veur dees nummers, die zo-as later bleek good aansjloge biej t publiek.

LedeBewirk

Ger Geerlings: Gebaore op 6-8-1950 oppe Ruiver. en dae met 12 jaor al op de bühne sting en vaanaf toen al tekste sjreef haet altied vúúl same gewerk met zien naef en waordkunstenaer Arnold Wassen, zoé troje ze dökker same op as dr weer eine in de femielie 25 of 40 jaor biej de Hermenie waas maar auch op broëlofte en angere fiésjes. Twelf jaor lang sjreve ze same tekste en liedjes veur de Ruiverse revue, en ging 't op de liedjesaovende dök wae met de ierste plaats ging loupe. Vúúl nummers van Ger Geerlings zien opgenaome biej Studio de Karelhoeve van Jan Theelen in Munstergelaen. Same zote ze in de Femiliekepél van An en Nel, dit waas ein kepél mèt allemaol naeve en nichte en dao ouch nog de kinjer van. Van de Femilies Geerlings en Wassen wao idder mannelik lid van biej de harmonie waas, waovan de fam. Geerlings dr 8 haaj en de Fam. Wassen 4. Dao naevebiej zoot Ger Geerlings 15 jaor biej "t Winjdbuujel Kwarted waat jaorliks de gemeintepolitiek en van alles wat in Ruiver gebeurde op de korrel noom. Vanaaf zien twelfde jaor zoot hae in versjillende vereiniginge, scouting Lambertus, philharmonisch gezelschap Reuver, gymnastiek ver.Hercules en Judoclub Reuver. Maar ouch haet Geerlings in hiel get coverbands gesjpild, inkele veurbeelde zien (The Facts) (Les Brigands)(Uncle Barbers blues band)(Point Omega)(Sandwich)(The Melodie strings)(The Volumes)(The maybugs)(Stage Company)invaller biej Daylight, en momenteel biej (De Geraniejums).

Ger van Enckevort:Gebaore op 02-09-1948 te Venlo. Ouch Ger v. Enckevort zoot al vreug in de muziek, in 1962 haaj dr met zien broor Frits v. Enckevort zien ierste band De Locomotions. Dees band is in 1966 opgeheve. Ger haet toen 10 jaor neet mier in bands gesjpild, maar is zich mier en mier gaon toelegge in 't opnimme van muziek. In 1976 is hae gestart met de band Daylight, dees band haet maar leefs 21 jaor bestaon, dao naevebiej haaj Ger inmiddels ein eige opnamestudio in Beesel (studio Walsberg) naodet de band Daylight in 1997 waerde opgeheve is Ger v. Enckevort same met Ger Geerlings en Geert Thissen de Geraniejums begôs. Op 6-8-2006 is Ger v. Enckevort op 58 jaörige laeftied plotseling euverleje, met eine volle agenda en in euverleg met de femilie van Ger is besjlaote om ein niej lid biej de Geraniejums te zeuke.

Geert Thissen:Gebaore op 13-8-1951 te Tegele, ouch dit waas eine vreuge muzikant, waas 14 jaor en spilde in (Emmily Freud)(The Maybugs)(stage company)(stage)(Avanties)(daylight)(De Geraniejums). De Geraniejums höbbe in 2004 ein Theatertour gedaon met Tilly Maessen, Thei Dolls en Marc Hermans, in de Waolse Medammekoer on tour, wat opgenaome woort door L1. In 2005 deje de Geraniejums ein theatertour met 't Limburgs Symphonie Orkest (LSO) Hievan zien filmopnames gemaak door de bekende natuurfilmer Maurice Nijsten. De Geraniejums zien ongerscheie biej de Maastreechse Tempeleers met de Gouwe Pitsjtang.

Jos Roulaux, gebaore 19-11-1968 in Venlo, is in oktoeber 2006 as vervanger van de euverleje Ger v. Enckevort biej de Geraniejums gekomme. Jos dae muzikant in hert en nere is, wis zich al binne inkele repetities good te veuge biej zien twieë aaiere collega's. Jos is in versjillende coverbandjes drummer gewaes en 't kosde um den ouch weinig meuite om de rol van derde Geraniejum op zich te nimme. Op 4-2-2009 promovere de Geraniejums aan de N.U.L. (Narre Universiteit Limburg) tiedens dit gebeure zal ouch de euverleje Ger v. Enckevort posthuum promovere De Geraniejums höbbe in de loup der jaore versjillende CDs oetgebrach en op 26 April zal d'r ter gelaegeheid van 't 12 en ein half jaörig bestaon ein Dvd/CD album waere oétgebrach.

Externe linkBewirk

de Geraniejums besjikke euver ein eige website: http://www.Geraniejums.nl)

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=De_Geraniejums&oldid=188888"