Äöpen houfmenu

Dit artikel is gesjreve (of begós) in 't Zjwaams. Laes hie wie v'r mit de versjillende saorte Limburgs ómgaon.


Dallas is de op ein nao grootste sjtad van de sjtaot Texas (nao Houston), mit 1,2 miljoen inwoners in de sjtad zelf en 6,1 miljoen inwoners in de agglomerasie Dallas-Arlington-Fort Worth. Daomit is de agglomerasie qua bevolkingsómvang de veerde van de Vereinigde Sjtaote.

Dallas óntsjtong in 1841 en is vernumd nao viseprizzedent George M. Dallas. John Neely Bryan bouwde in det jaor ein huuske aan de Trinity River en begós dao ein vaerdeens. Zien huuske sjteit nach altied in 't sentrum van Dallas.

In Dallas waerde op 22 november 1963 prizzedent John F. Kennedy tiedens 'n riejtoer vermoord, vermoedelik door Lee Harvey Oswald.

BevolkingBewirk

Van de bevolking is 8,6% ajer den 65 jaor en besjteit veur 32,9% oet einpersoonsweuninge. De werkeloosheid bedraag 4%.

Óngeveer 35,6% van de bevolking besjteit oet hispanics en latino's, 25,9% is van Afrikaanse oorsjpróng en 2,7% van Aziatiese oorsjpróng.

Het aantal inwoners van Dallas sjteeg van 1.006.646 in 1990 toet 1.188.580 in 2000.

KlimaatBewirk

Dallas haet 'n subtropies klimaat mit milde wintjers (ca. 15 °C) en werme zomers (ca. 35 °C). In de wintjer kèn echter ouch vors en sjnee veurkómme. Tiedens de zomermaondje waere sjteeds opnuuj temperature euver de 40 °C gehaold. Gedurende 't jaor velt d'r óngeveer 850 mm neersjlaag. Ouch ligk Dallas in ein gebied wo väöl tornado's veur kènne komme.

PolitiekBewirk

Het kómplete gebied róndjóm Dallas geldj es 't bólwerk van 't politieke Rechskonservatisme, det sjterk door 't evangeliese kristendom bepaald waert. Ouch invloede oet 't Wilje Weste en de tied van de Zuujelikke Vereinigde Sjtaote (Dixieland) zin nag duudelik merkbaar. De populaere tillevizieserie Dallas, dae zich veurnamelik in de sjtad aafsjpeelt, bevestigde 't imago van rieke aoliemagnate en kojbojheud. Biej de prizzedentsverkiezinge van 2004 sjtumde 75,05% van de keezers in Dallas echter veur de demokratiese kandidaat John Kerry.

Óndanks 't konservatieve imago haet zich in Dallas ouch 'n breije kuns- en teaterbewaeging óntwikkeld. De buurt róndjóm Cedar Springs Road geltj es 't sentrum van de homoseksuele kultuur en laeveswieze in Noord-Texas. De bevolking van de sjtad waas vreuger euverwaegend blank, mer in 't verlaup van de 20e eeuw haet zich det verangert. Dallas is ein van de belangriekste plekke veur Mexikaanse migrante gewaore.

BezeenswaardighejeBewirk

  • Sixth Floor Museum in 't Dallas County Administation Building (veurhaen Texas School Book Depository), vanoet dit pandj zou Lee Harvey Oswald op John. F. Kennedy höbbe gesjaote,
  • Nieman-Marcus, waorehoesketen dae hiej zien oorsjpróng vónj,
  • Southfork Ranch, woonhoes van de femielie Ewing oet de populaere tillevizieserie Dallas.

SjportBewirk

Dallas haet drie sjportklubs diej oetkómme in ein van de veer grootste Amerikaanse profsjporte. Het geit om:

Daonaeve sjpeelt foetbalklub FC Dallas in de Major League Soccer.

Dallas waas mit sjtadion Cotton Bowl in 1994 sjpeelsjtad veur 't WK foetbal.

SjtaejebenjBewirk

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Dallas_(Texas)&oldid=432180"