De Limburger
- Dit artikel is in mierder Limburgse dialekte gesjreve. Perbeer estebleef waal mer ei dialek per alinea aan te hauwe.
De Limburger is 'n regionaal gezèt in Nederlands Limburg, die vool-oet Dagblad De Limburger heesjt. Ze is op 't momaent èègendom van 'ne Ingelsje èègenaer, Mecom, dae in gans Europa regionaal gezètte haat.
Dagblad de Limburger en 't Limburgs Dagblad zurgde lang vör 'ne versjillende inhoud. De ursjte gezèt richde zich mieë op Mestreech, de twiede op Haeële. Huutsedaag haant de twieë gezètter d'r èègeste inhoud mae waal nog ummer 'ne aandere lay-out oeë de laezers zoe aan gehech zeunt geraakt dat de twieë name en vurmgaevinge, vanoet verkoopstechnische oetgangspeunte, behaowe blieve. D'r vurrige èègenaer waor d'r Telegraaf.
Dagblad de Limburger versjient in 8 versjillende regio-edities door gans Limburg, terwiel 't Limburgs Dagblad mer in drie Zuud-Limburgse edities versjient.
Historie
bewirkIn 1782 versjeen veur 't ièrsj 'n Mestreechse gezèt: Le Courier de la Meuse, die tot 1840 de enigste gezèt in Limburg zou zin. Tot 1892 woort ze gans geredigeerd in 't Frans. Vanaaf 1892 zal de teks in 't officieel Nederlands
gesjtèld were.
Op 17 september 1921 rolde in Zittert 't ièrsjte exemplaar van 't provinciaal nuujsblaad De Limburger van de peersj.
In 1936 woort dees gezèt euvergenómme door 't Limburgs Dagblad.
In 1944 ging 't Mestreechs dagblaad Veritas versjiene ónder de naam Gazet van Limburg. In 1955 veranderde de naam in De nieuwe Limburger. In 1967 ging 't blaad same mèt 't Dagblad van 't Noord-Limburg deil oetmake van 'n samewèrkings verband oet 'n fusie van Neerlandia pers en de Gelderlander.
De Limburger ies in 1971 óntsjtange oet 'n fusie tösje De Nieuwe Limburger oet Zuud-Limburg en de Maas- en Roerbode oet Miedde-Limburg tot De Limburger.
In 1995 kaom Dagblad voor Noord-Limburg debie en woort 't de naam Dagblad de Limburger.