Cypriotische cuisine
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
De Cypriotische cuisine is de keuke vaan Cyprus en zal op 't ierse geziech weure gezeen es 'ne cuisine zoegood wie iddentiek vaan de Griekse cuisine, al heet 't get mie invlooj vaan Italië, Fraankriek, Catalonië (Spaanje), Törkije en (sins de keloniaolen tied) ouch 't Vereineg Keuninkriek. Ouch 't veujsel oet de Vereinegde Staote (en daan eigelek veural bis allein meh de fastfood) heet, zjus wie in de res vaan de EU, invlooj op de keuke, allewel dat 't minder heet es Griekeland. Heidoor weurt wel 's gezach tot de Cypriotische cuisine bekind steit es de riechteg bewaorde Griekse cuisine mèt minder invlooj vaan de VS en 't toerisme. Echte rezjionaole keuke gief 't in eder geval neet in 't zuie vaan Cyprus (vas en zeker wel in 't noorde, 't neet-erkinde Noord-Cyprus). In prinsiep weurt de Cypriotische cuisine opziech al gezeen es 'n rezjionaole vörm vaan de Griekse cuisine. Zoewel Grieke wie Cypriote numme de Cypriotische variánt vaan de Griekse keuke (typereterend mèt minder vèt en mie vös es de Griekse) Kypriatiki.