Comité flamand de France
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
't Vlaoms Komitee vaan Frankriek is 'n Franse vereineging die ziech, es e weitesjappelek gezèlsjap, inzèt veur de studie, 't behaajd en de verspreiing vaan de Vlaomse cultuur in Frans-Vlaondere, veural op 't gebied vaan taol, literatuur en historie. 't Komitee woort in Duinkerke oonder de Franse naom Comité flamand de France op 10 april 1853 opgeriech door Edmond de Coussemaker[1] en is sinds deen tied nog ummer actief. Daorum is 't ein vaan de ajdste weitesjappeleke gezèlsjappe vaan Frankriek.
In Hazebroek oonderhèlt 't komitee 'n speciaolbibliotheek boe zoewel hun eige publicaties es aander streekwerke bewaord en verzameld weure. Daobie is 't verantwoordelek veur 't behier vaan de verzamelinge vaan 't Museum Jeanne Devos in Wormhout.
Referenties
bewirk- ↑ Raymond de Bertrand (1859). Mémoires de la Société dunkerquoise pour l'encouragement des sciences, des lettres et des arts. Monographie de la rue David d'Angers à Dunkerque – Comité Flamand de France, pp. 310–316.