Choreografie
Dit artikel is gesjreve (of begós) in 't Oeals. Laes hie wie v'r mit de versjillende saorte Limburgs ómgaon.
Choreografie (grieks choreía = dans en gráphein = sjrif) beteikendj op vandaag 't oetvinje en insjtudere van bewaeginge, meistal samehangendj mit eine dans. Ein choreografie weurdj net wie de compositie van ein muzieksjtök es kunswerk besjouwdj. D'r zeen versjillende grote choreografische sjtökke die gebroektj waere in danstheatersjtökke of ouch korte zo es de sjtervende zjwaan van Michel Fokine oet 1907. Ouch biej de gardedans zeen d'r soms moeilikke choreografieje.
Ofsjoon de term hoofzakelik gebroektj weurdj mit betrekking toet danse kan choreografie op diverse terreine waere toegepasj, wo onger:
- Sjerme
- Gymnastiek
- Kunssjaatse
- Marse
- Kriegskunste, zowie kung-fu.
- Cheer leaders
- Gardedans
Eine Choreograaf is de creatieve maker van ein Choreografie. Hae is tegeliekertied oetvinjer en vormgaever van 't sjtök, zjuus wie eine regisseur. Eine choreograaf interpreteert ein muzieksjtök en eine regisseur ein toneelsjtök. Hae is dus net wie biej ein toneelsjpel de baas euver 't geheel, daorom zeen d'r ouch soms moeilikke auteursrechtelikke vraoge euver ein choreografie of ein regie. In opera's, toneelsjtökke en musicals werktj de choreograaf meistal mit de hoofregisseur same.