Sjinese Moer

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

De Sjinese Moer op 't plattelandj.

De Sjinese Moer of de Groeate Moer is 'n moer in 't naorde van Sjina, die zoea 21.000 kilomaeter lank is. Ze wuuert owwel gezeen es ei vanne neet-klassieke werreldwónjere. De moer is opgetróch oet stein, mer ouch veur e groeat deil oet aerd. De fónksje vanne moer waas de verdaejiging van 't landj taenge nomadische invallendje stammen oet 't naorde.

De ieëste moer woort zoea 200 v. Chr. opgetróch door versjillendje stökker moer mit einanger te verbinjen en aerdwerk te vervange door stein. De hujige moer stamp veural oete Ming-dynastie (1368-1644). De moer haet tieëntalle paorten en ruum 1000 forts en oetkiektaores. De kómmunikaasje tösse dees kwaam toet standj middels rouksignale.

Bieje stej is de moer good restereerdj, mer op 't plattelandj is die väölal vervalle.

Trivia

• Me zaet det de Sjinese Moer zoea groeat is det m'n 'm vanoete ruumdje kan zeen en det ze 't ènsigste boewsel is veur waat det guldj. Det is aevel neet waort: de moer is hieël lank, meh väölste smaal veur te kónne zeen vanoete ruumdje.

Gallerie

• 
  E wachtershuuske.
• 
  'nen Oetkiektaore.
• 
  De moer euvere berg haer.
• 
  Zich baovenoppe moer.
• 
  't Oestelikste puntj vanne moer, wo zie ènjig inne zieë.
• 
  De moer in 't wèste.
• 
  De moer bie Simatai.