Sjemisch element
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
E sjemisch element is 'n atoeamsaort. Zón saort wuuertj bepaoldj door 't atoeamnómmer: 't aantaal aan protonen inne kern van 't atoeam. Dees diffenisie is abstrak en op gein inkel wies te koppelen ane macroscopisch zichbare werreld. Boetedet steitj die häöks op 't gangbaar spraokbroek. Daoveur wuuertj 't begrip "element" döks gebroek mitte volgendje diffenisie: 'n stof die is opgeboedj oet ein saort aan atoeame.
Inne netuur guuef 't veerenneugetig versjillige element. Bie kernreacties zeen nag zoea twintjig anger elemente te make. 't Aantaal aan kónsmaesige elemente nump nag ummer toe: in 2008 woren 't 's drieëntwintjig. De elemente waeren oppe einveljigste meneer ingedeildj in metaal en neet-metaal. De neet-metale zeen 't mins divers (achtieën saorten in totaal). Bieje metale guuef 't 's zeve die kwa eigesjappe e bietje oetwieke richting de neet-metale. Daoveur waere ze ouch waal halfmetale geneump.