Chaos
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Chaos (vaan 't Grieks: Χάος, wat me op dezelfde meneer oetsprik) is 'n ordeloeze massa of warboel. De benaoming heet häör etymologie te daanke aon de Aajdgriekse mythologie, boe-in chaos d'n tied is boe-oet de Gode zien gebore. Get kin 'ne chaos zien in versjillende maote. Zoe kin get rommeleg zien meh päöre chaos weurt dèks gegeve aon situaties boe-in niemes mekaar begrijp.
Filosofie
bewirkIn de filosofie weurt chaos veur get algemeiners gebruuk en is 't ein vaan de hoofthema's vaan in ierste instansie de Griekse filosofie mer later ouch de Europese filosofie en ethiek. In dees zin weurt chaos gezeen es 't arbritaire en neet-begriepeleke. Sokrates heelt ziech väöl bezeg mèt ethiek en daomèt mèt dit oonderwerp. Zoe gelaof Sokrates tot 't moraol geine relizjieuze groond had, evels wel 'n gefiks ethisch staandert. Aanders, zoe zach heer, zawwe v'r leve in "chaos". Dees chaos waor get boe de Atheners ziech dèks mèt bezeg heelde en meine volges hun tot 't riem noch reij goof in de chaos. De sofist gelofte tot 't moraol aof te leije waor vaan de thesis die de homo mensura heit: De mins is de maotstaaf veur dinger. Socrates waor 't hei neet mèt eins. De essensie (Aajd- en Nuigrieks: eidos) kin volgens Sokrates oontdèk weure door humaon aksies en 't diffeniere daovaan. Dit is get boe Sokrates nao touw leefde, dat bis groete irritatie zörgde bij mèt naome de intellectueel hoeger klas umtot heer dees zelfbenömde experts bis conclusies leet komme die ze vaanteveure neet inzoge. Dees eidos is daorum volgens Sokrates oonaofhenkelek vaan 't humaon dinke. In Plato's Euthyphro weurt dees socratisch meneer vaan 't oontdèkke vaan ethisch standpunte mesjiens wel 't bes oetgelach.