Bujar Nishani
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Bujar Faik Nishani (Durrës, 29 september 1966) is 'nen Albanese politicus en d'n allewijle, zèsde prizzedent vaan Albanië sinds 24 juli 2012. Op 't memint vaan de electie waor Nishani lid vaan de conservatieve centrumrechse Democartische Partie vaan Albanië[1], e parlemèntslid, en de Minister vaan Binnelandse Zake. Heer moos volgens de groondwèt alle drei de poste opgeve wie heer ziech verkeesbaar maakde es prizzedent.
Nishani greuit op in 'n neet-praktizerende bektashi mohammedaonse femilie. In 1988 studeert heer aof vaan de militair academie en vervolgde ziene master in San Antonio (Texas, VS). Vaanaof 2004 zit heer in de stadsraod vaan Tirana. Tiejes 't premiersjap vaan Sali Berisha is heer Minister vaan Binnelandse Zake (2007-2009, 2011-2012) Minister vaan Justitie (2009-2011) en prizzedent. In Albanië kees 't parlemènt, wat democratisch is gekoze, de prizzedent oet. Nishani is dus indirek democratisch aon de mach gekomme. Heer krijg 73 vaan de 140 stömme en nömp 't prizzedentssjap euver vaan Bamir Topi. Edi Rama nump Berisha's premiersjap euver, mer Nishani blijf prizzedent.
Rifferenties bewirk
- ↑ Zie is geassocieerd mèt de christendemocratische EU-partie: Europees Voukspartie