Breursj Van Limburg
Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
 |
 |
De breursj van Limburg waore drie kunstenaersj in de Mieddelièwe, gebore in Nijmege. Ze kaome oet 'n kunstenaersjfamilie es drie zone van Arnold van Limburg, dae houte beelde maakde. De moder, Metta Maelwael waor borduurster, de opa, Willem Maelwael, kunssjmeed en sjilder en de nónk, Jan Maelwael waor ouch sjilder. De drie breursj heesje: Paul van Limburg, hae woort ca 1375 gebore, Herman van Limburg in ca 1380 en Jan van Limburg in ca 1385. Alledrie sjtorve ze in Bourges (Frankriek) in 1416, vemoedelik aan de pes.
Werk
bewirkZe wèrkde veural in miniature, woa-ónder ’t getiejebook Les très riches heures du duc de Berry (van Jan van Berry, ‘ne rieke Franse hertog) ’t bekèndste ies. ’t Book bevingk ziech in kestjièl Chantilly bie Paries.
Hertog Jan van Berry waor de zoon van keuning Jan de Goje, broor van keuning Karel V en van Filips de Sjtoute en nónk van de regerende keuning Karel VI.
’n Ander bekènd book, dat door hun geïillustreerd ies mèt miniature ies Les Belles heures de Jean de France, duc de Berry. Dit book bevingk ziech in ’t metropolitan Museum of Art in New York.
In ’t gehièl zint 8 werke van hun bekènd. Neve de twiè bekèndste getiejebeuk zint dat o.a. nog Les très belles heures dat ziech in de Bibliothèque nationale de France in Paries bevingk, Les petites heures en illustraties in 't book Valerius maximus. (In de Vaticaanse bibliotheek).
Umdat ze väöl in Frankriek aan ’t werk waore, zint de breursj van Limburg ouch bekènd ónder de Franse name: Paul, Hermann en Jean de Limbourg.
Sjtiel
bewirkVäöl en helder kleure, veural 't azuurblauw ies opmerkelik. Ze zint vernujend in de aafbeelding van ’t landsjap. Väöl thema’s oet ’t dageliks leve, de sezoene en de maonde van 't jaor, zoadat veer oes dao ’n beeld van kènne make. O.a. de Vlaamse primitieve, Van Eyck, Van der Weyden en Van der Goes woorte door hun beïnvloed.
Tentoansjtèlling
bewirk- In 2005 waor d'r de tentoansjtèlling: "Nijmeegse meistersj aan 't Franse hof 1400-1416" (de breursj van Limburg) in museum 't Valkhof in Nijmege.
