Brändö

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

Brändö is 'n eilandj en gemèndje in Ålandj, Finlandj. Karakteristiek veur Brändö is det 't 'n vergaoring van eilenj is die zeen verbónje via brögken en dieke. De gemèndje haw 465 inweuners op 31 mieërt 2016 en 'n landjoppervlakdje van 107,88 km², van 'n totaal (inclusief water) 1.643,06 km². De bevoukingsdiekdje is 4,3 luuj de km².

Bezeenswaerdig is de St.-Jakobskirk, of eigentlik ieëre 'n kepel. Dees is 'n houter kirk die op 22 oktoeaber 1893 woort gewiedj aan Jacobus d'n Eljere. Biezunjer opmirkelik is 't vleugelaltjer oete midde vanne dertieëndjen ieëf, det de Kruuening van Maria veurstèltj.

De bewóndje eilenj van de gemèndje zeen: Jurmo, Åva, Brändö ('t houfeilandj), Baggholma, Björnholma, Fiskö (inclusief Nötholma), Korsö, Torsholma, Lappo en Asterholma. Inkel anger, ónbewóndje eilenj in de gemèndje die 'n get grótter oppervlakdje höbbe zeen: Degerbrok, Gunnarsten, Hullberga, Lillklyndan, Långbrok, Nottö, Porsskär, Snöbådan, Storklyndan en Salungarna. De res vanne eilenj zeen ónneumeswaerdig klein.

De gemèndje is einspraokig Zweeds. De gemèndjecode is 035.

Demografie

In 2008 woor de laeftiedsverdeiling van de bevouking es völg:

0 toet 14: 17,7%
15 toet 64: 64,3%
65 en ajer: 18%

De spraokverdeiling woor in 2008 det 84,6% vanne bevouking 't Zweeds es ieëste spraok haw; 11,8% haw 't Fins es ieëste spraok en 3,7% haw 'n anger ieëste spraok. Hie-ónger völg de demografische óntwikkeling vanaaf 1980.

1980	1985	1990	1995	2000	2005	2010	2013
550	528	529	548	514	519	488	476