Boulogne-sur-Mer
Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.
Boulogne-sur-Mer (Nederlands: Bonen of Beunen, Latien: Gesoriacum) is 'n sjtad in 't Fraanse departement Nauw van Calais, regio Nord-Pas-de-Calais. Ze liekt an de Opaalkus. De roond de 50.000 inwoners van Boulogne-sur-Mer neumt me Boulonnais.
Historie
bewirkBoulogne-sur-Mer waor de eind- of beginpeunt van 'ne Romeinse heerwaeg vanoet of nao Kölle: de via Gesoriacum ad Colonia Agrippa. De Romeine neumde de sjtad Bononia. Bies de Vraej van de Pyreneeë waor 't de hoofdsjtad van 't graafsjap Bonen en makde 't deel oet van de Sjpaanse Nederlande. Oondanks d'r Vlamsjkleenkende naam waor de sjtad al saer d'r vèrtieënde ieëw Franssjpraeëkend. Ida van Bonen waor de moder van Godfried van Bouillon dae waor warsjienglèk oet Boulogne-sur-Mer aafkomstig.
Monumaente en bekiekenswaeërd
bewirk- Zieëcentrum Nausicaä: aquariums, tentoeënsjtellinge över d'r zieëfauna en över de aquacultuur.
In Boulogne vón 't örsjte Esperanto-waeltcongres plaatsj van 7 tot 12 augustus 1905 in het biezieë en mèt 'n groeëte ról van d'r ontwerper van de taal, Ludovich Zamenhof. Doe waeërt Esperanto vör 't örsj dör väöl luuj tegeliek gebroekd en ooch waoërt de Verklaoring van Boulogne gepresenteerd. In maart 2005 vón d'r 'n groeëte herdeenkingsbieeenkomst plaatsj.
Gebaore in Boulogne-sur-Mer
bewirk- Godfried van Bouillon (1061 - 1100)
- Pierre Danou (1761-1840), historicus en politicus
- Charles Augustin Sainte-Beuve (1804 - 1869)
- Guillaume Duchenne (1806 - 1875), oetveender van de elektrotherapie
- Auguste Mariette (1821 - 1881), egyptoloog
- Ernest Hamy (1842 - 1908 (1905 ?))
- Georges Mathieu (1921 - ), sjilder
- Jean-Pierre Papin (1963 - ), aod-voetballer/coach RC Lens
- Philippe Brunel (28 februari 1973), voetballer
- Franck Ribéry (1983 - ), voetballer