Boochem

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Boochem (Duuts: Bochum, Nedersaksisch: Baukem) is 'n krinkloes stad (stad die neet behuurt bis 'ne krink of Kreis, dus Kreisfrei is) inne middel vaan Noordrien-Wesfale. De Wesfaalse plaots vilt oonder 't Regierungbezirk Arnsberg en ligk neve de Dortmund (oosweerts), Esse (wesweerts), Gelsenkirchen (noordwesweerts) en Herne (noordweerts) en de kring Kreis Recklinghausen (noordoosweerts) en Ennepe-Ruhr-Kreis (zuidweerts). Boochem ligk op 'n hoegte vaan 100 meter. De stad heet 'n oppervlak vaan 145,66 km², en volgens de census vaan 2014 gief 't dao 361.734 inwoeners. Heimèt heet 't 'n bevolkingsdeechte vaan 2483 de veerkante kilometer. Sinds de nuie stadsraod vaan 2014 is de SPD de groetse polletieke partie mèt 32 zetels. Op de twiede en daarde plaots komme daan CDU (22) en de Grüne (11). In Boochem gief 't 'n universiteit, naomelek Ruhr-Universität Bochum. 't Gief 9 hoegesjaole in de stad. Boochem besteit oet 6 distrikte.

Brón

Duutstaolege Wikipedia