Beuk
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
De beuk of bäök (Letien: Fagus sylvatica) is 'nen Europesen helhoutboum oete beukfemielje. Mit zien gruuedje toet 40 maeter is 't 'nen echte boum.
De plantj is einhuzig; 't guuef dus mennelike en vrouwelike blomen ane zelvendje boum. De bestuving vindj plaats dore windj. De beuk kan good taenge sjieëm en is 'ne climaxsaort.
Beuke waere döks in lane gepaotj. Zoealang alle buim gezóndj zeen geit det good, es eine boum störf, den kan door zónbrandj d'n eine nao d'n angere boum volge. Beuke waere neet hieël aad: 200 à 300 jaor wuuertj es baovegrens aangegaove.
Beuke waere väöl in hègke gepaotj. Jóng beuke behajen häör aafgestórve blaad toet ènj april wen 't nuuj blaad oetlöp. Daoveur zeen ze biezunjer gesjik veur 'nen toewen, hoeagen hègk.