Bettehaove

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

De Sint-Lambertuskirk in Bettehaove.

Bettehaove (Frans: Bettincourt, Nederlands: Bettenhoven) is e dörp inne Belzje pervinsje Luuk en 'n deilgemèndje vanne stad Wèrm. 't Waas 'n zelfstenjige gemèndje toetdet 't bieje fusie van 1971 woort toegeveug ane gemèndje Wèrm.

Bettehaove ligk op twieë kilomaeter t'n naordwèste vanne stadskern van Wèrm ane taalgrens. De bewoeaning situeertj zich veurnamelik innen toebeboedjen dörpskómp, dae tösse de waeg van Wèrm nao Gingelom ennen autosnelwaeg A3/E40 ligk. t'n Naorde vannen dörpskómp is Bettehaove nag gans agrarisch mit akkerboew- en vieëteeltbedriever.

Bettehaove waas bestuurlik ummer aafhenkelik van Wèrm, toetdet 't anen ènj vanne zeuvetieëndjen ieëf 'n eige hieërlikheid woort. Op kirkelik gebied waas Bettehaove al vreug 'n próchie, wovan ouch de dörper Berlo en Korsworm deil oetmaakdje. Al in 1314 woort 'n kirk vermeldj in 't dörp.