Bestuur
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
E bestuur is e college det mit formeel beveugheid de aangelaengenheje van 'ne staot, 'n gemèndje, e bedrief of 'n verein lèdj en regeltj.
Funksjes
bewirkInne regel besteitj e bestuur mindestes oet 'ne veurzitter, 'ne sikkertaer en 'ne penningmeister. Anger väöl-veurkómmendje funksjes binnen e bestuur zeen vice-veurzitter, kómmisseco-ordinater (ouch waal: kómmissaer-intern) en pr-kómmissaer (ouch waal: kómmissaer-extern). De leje van 't bestuur die gein specifieke funksje of taak höbbe waeren ouch waal algemein lid geneump.
Take
bewirkDe take van 't bestuur zeen:
- 't Beleid vaslègke;
- d'rop Toezeen det 't beleid wuuertj gevolg;
- De inspraok van en kómmunikaasje nao neet-bestuursleje waorborge middels vergaoringe wo zowaal 't bestuur es de neet-bestuursleje vanne instansje aanwaezig zeen (wie plenair vergaoringe of algemein-lejevergaoringe);
- Daachelikse taken oetveur.
Algemein en daacheliks bestuur
bewirk'n Instansje maak waal 'ns óngersjied tössen 't algemein bestuur en 't daacheliks bestuur. De baovestäöndje take waere den verdeildj euvere twieë besture, wo de algemein take wie beleidsgerilleteerdje taken aan 't algemein bestuur waere toegekandj. De daacheliks, mieër oetveurendje take, waere toegekandj aan 't daacheliks bestuur. Es 'n instansje gein óngersjied maak tössen 't algemein en daacheliks bestuur veurtj 't singulier bestuur alle baovegeneumdje taken oet.
Meistes is euverlap inne persoeane die lid zeen van 't algemein en 't daacheliks bestuur. 't Kan den zoea zeen det beveurbeildj de vice-veurzitter oet 't algemein bestuur zitting nump in 't daacheliks bestuur es de veurzitter.