Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.


Bert Garnier waoërt gebaore óp 10 januari 1962 in Blauwdörp van Mestreech. Öp 5-jaorige laeftied sjtóng e al óp de bühne es bandparodist en zenger. Na de HAVO vólgde e de opleiding töt A-verpleegkundige in 't väörmalig hóspitaal St.Annadal. E wèrkde mieë wie 40 jaor in de gezondheedszörg en vervolgde zieng carrière hiernao es media-adviseur bie de populair Sjtadsgezèt de Sjter. Same mèt zieng veurmaolege vrów Ursula waor heer mieë wie 20 jaor actief op 't gebied van componere, leedsjes make en entertaine. Ze sjraeve zeve kier't Mestreechs Vastelaovendsleedsje, n.l. in 1991, 1993, 1995, 2003, 2009 en 2013. Ooch sjraeve en wonne ze töt noe twieë maol 't LVK óp hunne naam mèt Drejje (1996) en Iech höb diech weer gevoonde! (1999). Es zengers en óprichters waore ze lid van de Mestreechter Kompenei oeëmèt ze vief maol de finale behaolde van 't LVK. Mèt d'r zaaank 't Volk vaan Mestreech wónne ze d'r Vastelaovendsjlager van 2009 Noe geit 't gebäöre. Öm hun passie wieër te oondersjtriepe aoëpene ze medio november 2009 Mestreechse sjpeciaalzaak De Chauvinis. Bert späolde wieër 't personage van d'r officier van justitie in de bekènde komedie De Kaptein vaan Köpenick.In 2018 kaom ‘n ind aon hun huwelijk. Bert vervolgde zien muzikale carrière en bleef leedsjes sjrieve, mer veural veur zien eige repertoire. Wee kin miech vertèlle, Hooray, Op de sjouwers vaan miene peer( twiede plaots leedsjes konkoer Mestreech 2019), Op Han en veuj ! (twiede plaats Mestreechs leedsjes konkoer 2022). En Hei op de Merret, same mèt ziene arranzjeur Ludy van Dijk. Ouch sjreef heer ‘n ode veur zien veurbeeld Johnnie Blenco getiteld “ Blenco’s Erfgood” (2022). Op 21 augustus 2021 trouwde heer mèt Renate Loomans. Ouch Renate wèrk es verpleegkundige. Bert is ouch actief in de lokale politiek. Es raodslid veur Partij Veilig Maastricht heet heer sinds 2018 zitting in de gemeinteraod vaan Mestreech. Daoneve is heer nog altied wèrkzaam in de verpleging bij Envida. In 2023 hoop heer zien 3x11 jaoreg artiesten en leedsjesmaker te kinne viere. Bert sjreef mie es 500 leedsjes veur beminde Limbörgse artieste zie es veur Erwin, Beppie, Huub Adriaans, Ziesjoem, ( finale LVK 1998) , Mestreechter Kompenei, Volk vaan Mestreech, Hielemaol Los, Frans Croonenberg, Raymond Schaad, Duo Ammezasie, Joie de Vivre, Hans Dupont, La Bamba, Patronaatsknöppele, etc.

Externe leenk bewirk

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Bert_Garnier&oldid=455289"