Berde

Dit artikel is gesjreve in 't Mofers. Ómdat 't plaatsgebónge is, maogs doe 't ómzètte nao 't Berdener, es te dit dialek sjpriks.

---

Berde (Duutsj: Birgden) is e dörp inne gemèndje Gangelt in 't Kreis Hinsberg, Naordrien-Wèsfale, mit zoeaget 3.000 inwoeaners. 't Ligk tösse Put, Kritsraoj, Waldenrath, Gillrath, Sjta, Hatterath en Sjeerwallere in. Biezunjer aan Berde is det 't e brinkdörp is; centraal in 't dörp ligke twieë graasveljer: de Groeate Plei enne Kleine Plei; dae litste is allewiel aevel e perkske gewaore. In 't zuje van 't dörp ligk de grótste nuujboewwiek vanne gemèndje Gangelt.

De Roeams-Kattelieke Sint-Urbanuskirk van Berde.

Berde vörmdje langen tied 'n eige gemèndje, meh dees gemèndje woort op 1 juli 1969 bieje gemèndje Gangelt geveug.

Straote

Oppe Berde ligke versjillige straote. De wichtigste zeen die, die zich kruutsen en wotösse de twieë pleie ligke: Kreuzstraße - Gaterstraße/Bahnhofstraße (mit daotösse de Kleine Plei); Bahnhofstraße - Starzend/Großer Pley (mit daotösse de Groeate Plei). Wiejer guuef 't nag de Geilenkircher Straße enne Waldenrather Straße die veur lokaal verkieër beneumeswaerdig zeen. De Starzend veurtj nao Sjeerwallere en wiejer door nao Langbrook.

Kaart

• 
  'n Euverzichskaart van 't dörp.

Trivia

• Me sprèk van op d'r Berde, neet van in Berde.

Zuuch ouch

• Plaetje vanne Groeate Plei (Großer Pley) oppe Duutsje Wikipedia.