Belvédèremets
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
't Belvédèremets is e prehistorisch vuursteine mets gevoonde in de lösskojl vaan Belvédère, Mestreech.
't Mets woort in de jaore 1980 opgegrave op 'n deepde vaan 8 meter oonder 't mejveld, tösse versjèllende aander prehistorische voondste, zoewel artefakte es biestekneuk. De dinger bleke oet versjèllende stadia vaan de prehistorie te koume, meh 't bewös mets waor neet minder es 250.000 jaor aajd. Heimèt is 't zelfs te aajd veur de Neanderthalers (die pas zoe'n 80.000 jaor trök 't huieg Limbörg inkaome). 't Is de vraog aon wee me 't daan wel moot touwsjrieve; mesjiens tot 't mets vaan d'n Heidelbergmins (Homo heidelbergensis) kump, 'ne succesvollen oermins dee toen in zien naodaog waor.
't Belvédèremets woort gevoonde tösse de kneuk vaan 'ne steppeneushore, en microscopisch oonderzeuk heet aongetuind tot 't ouch gebruuk moot zien veur 't slachte vaan zoe e bies.