Belo Horizonte

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Collaasj vaan beziensweerdeghede in Belo Horizonte. Me zuut vaan bove nao oonder: 't Peleis vaan Tiradentes, de zetel vaan 't staotsbestuur; de Avenida Afonso Pena; d'n Alta Vila-torie; 't Rui Barbosa-plein; 't Mineirãostadion en de klokketorie vaan de Franciscuskèrk in Pampulha.

Belo Horizonte (Portugese oetspraok: [ˌbɛloɾiˈzõtʃi], lètterlek 'sjoenen horizont') is 'n stad in Brazilië. 't Is de hoofstad vaan de staot Minas Gerais, boe 't mèt zoeget 2,7 mieljoen inwoeners ouch de groetste stad vaan is. In de ganse agglomeratie woene zelfs mie es vief mieljoen lui.

De stad is ind negentienden iew gebouwd es nui hoofstad vaan Minas Gerais. De aw hoofstad Ouro Preto, gelege op 'ne berg, waor te slech bereikbaar en te zier beperk in meugelekhede tot wijere greuj. Zoedoende woort 't de ierste geplande stad in Brazilië. In 't centrum, wat door e loedrech wegepetroen weurt gedomineerd, stoon nog väöl historiserende gebouwe. In de jaore daarteg en veerteg woort de stad e centrum vaan modern arsjitectuur, wie d'n opkoumenden arsjitek Oscar Niemeyer de opdrach kraog tot 't oontwerp vaan de wiek Pampulha. Boeten 't centrum weurt 't terrein al snel minder vlaak, um oetindelek in bergechteg gebeed euver te goon.

  Dit artikel is e sjtumpke. De kans Wikipedia helpe door 't aan te völle