Policy

(Doorverweze van Beleid)

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


't Ingelsj-Duutsje konsep Policy (pluraal: policies) sjteit binne de polletieke weitesjappe bekind es ein van de drie dimensies van 't polletiek bedrieve, neve Polity en Politics. In d'n alledaagse zin weurt dieks 't Nederlands woord beleid gebruuk (van 't wirkwoord beleiden; get aanpakke op 'ne bepaalde meneer), mer dat haet 'n minder weitesjappeleke grondsjlaag. Policy verwies nao de puur inhawweleke dimensie van 't polletiek bedrieve, zoawie concreet polletiek initiatieve of vasgesjtèlde nog te behaole doole. De polletiek drie-einheid is veural gengbaar in de Ingelsjtalige en Duutsjtalige weitesjappe mer weurt ouch dao boete erkind.

Policy-ongerzeuk ies 't vakgebeed van de polletieke weitesjappe wat ziech miè bezighilt mèt de inhoud, ontwikkeling en consequenties van policy. In 1976 besjreef d'n Amerikaanse politicoloog Thomas R. Dye de belangriekste ongerzeukgebeeje: "Wat regièringe doon, woarum ze 't doon en welk versjil dat maak".

't Begrip "policy" of "beleid" haet in de zakewaereld waer 'n anger contonatie. Dao geit 't um de riechlijne in e bedrief die formeel zin vasgelag door de ongernumming en valle onger de verantweurdelikheid van häör management. In de informatietechnologie ies "policy" van belang es vinster veur autorisaties en verbooje.

Drie fasesBewirk

Dieks, mer neet altied, kin me de bovegeneumde drie-einheid van 't polletiek bedrieve ouch zeen es 'n chronologische volgorde. Van polity nao politics en van politics nao policy. Dit ies ivvels neet ummer 't geval. Zoa kin policy ("beleid") groate invlooj höbbe op wie de polity d'r oet kump te zeen of wie veurtaan de politics weurt geoet.

  1. Polity - 't sjtructurele en institutionele. Woa-in de sjtaatsorganisatie ies vasgelag. Dit ies de ièrsjte en miès noadzakelike dimensie van polletiek bedrieve.
  2. Politics - 't proces. Woa-in de versjillende aspecte van polletiek in taal tot oeting komme. Hie weurt de polletiek veurbereid.
  3. Policy - de inhoud. Woa-in de concrete inhawwelikke nature van 'n polletiek initiatief ies oetgewirk.
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Policy&oldid=449381"