Bekasi
Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.
Bekasi is ein van de grótste forenzesjtei t'n ooste van Jakarta, in de Jabodetabek-regio in Indonesië. De sjtad haet ruum 2,3 miljoen inweuners.
Geografie
bewirkDe sjtad haet 'n oppervlakde van 210,49 km² en 'n inweunersaantal van 1.993.478 in 2005, mit 'n bevolkingsdichheid van 9,471 inweuners/km². De bevolking waas in 2010 gegruid toet 2.378.211, waat 't de op drie nao grótste sjtad van Indonesië maak, en nao Bandoeng de grótste van Wes-Java. Daomit haet Bekasi de anger sjtad Bogor ingehaold.
Bekasi is verdeild in 12 óngerdisjtrikte: Wes-Bekasi, Oos-Bekasi, Zuud-Bekasi, Noord-Bekasi, Medan Satria, Rawalumbu, Bantar Gebang, Pondok Gede, Jatisampurna, Jatiasih, Pondok Melati en Mustika Jaya.
Verkeer
bewirkBekasi tèlt meerdere treinsjtasies, wovan de grótste, Bakasi, ouch 'n intercitysjtasie is veur Ekonomi- en Bisnis-klas treine die van Gambir en Jatinegara nao Cirebon, Soerabaja en Yogyakarta gaon. De veerbaansautowaeg tösse Jakarta en Cikampek haet veur aafsjlaeg nao Bekasi en zörg veur 'n sjnel verbinjing nao Bandoeng. Óndanks deze sjnelwaeg geuf 't väöl verkeersprobleme in en róndj Bekasi. Óm dit op te losse wilt me 'nen twèdde sjnelwaeg boewe vanoet Jakarta, meh den get noordeliker.
Industrie
bewirkNaeve de woonwieke ligke ouch wichtige industriegebiede in Bekasi. Dees zeen de Jababeka en MM 2100-gebiede, die väöl grote bedriever, wie Honda, Converse en Samsung, bevatte. In dees industriegebiede ligke veural productiefebrieke.