Dit artikel is gesjreve (of begós) in 't Venloos. Laes hie wie v'r mit de versjillende saorte Limburgs ómgaon.


Beeldfusietechniek mak ein efficiënte synthese van verschillende informatiebrónne meugelik. Gezeen de greuj in beschikbare informatie, die van aerdobservatiegegaeves (‎Aeërdobservatiesatelliet) in 't biezónder, besteit veur dees techniek ein greujende belangstelling.

Praktièkveurbeelde van beeldfusie: bewirk

Op 't zelfde moment wuuërd d'r ein panchromatisch beeld én ein infraroeëdbeeld gemak van ein bepaold gebeed. Door dees beelde te fusere (beeldfusie) krieg me wermte-informatie (infraroeëd) in ein gewoeën (panchromatisch) beeld te zeen. Óndergrondse leidinge (stadsverwerming beejveurbeeld) kinne nauwkeurig waere geplaats.

Hoeëgwater in Limburg bewirk

Dees techniek woort beejveurbaeld gebroek tiejes de controle van de dieke tiejes 't hoeëgwater in 1993 en 1995. Zwake plekke en/of kwelwater woorte, vanwaege aafwiekende temperatuur, op infraroeëdbeeld duùdelik zichtbaar, en koste middels beeldfusie percies gelokaliseerd (gecodeerd) waere.

Andere toepassinge: archeologie, justitie, en aander baojem ónderzeuk, o.m. 't truukvinde van neet óntplofde bomme.

Door dees informatie opniej te fusere met geografische gegaeves (geo-coding) woort dees informatie zelfs tot op 20cm nauwkeurig.

Zuug ouch bewirk

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Beeldfusie&oldid=115671"