Baleare

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Regio van Spanje Baleare Islas Baleares Illes Balears
Hoofplaats	Palma de Mallorca
Opperflaakde	4.992 km²
Inwoeners – Deechde	1.106.049 (2010) 220/km²
President	Francina Armengol
Vouksleed	La Balanguera
Taole	Catalaons, Spaons
ISO 3166-2	ES-IB
Website	www.caib.es

De Baleare (Spaons: Islas Baleares of korteweg Baleares, Catalaons: Illes Balears of korteweg Les Illes) is 'n gróp eilen in de Middellandse Zie, ten ooste vaan 't Spaonse vasteland. 't Is ein vaan de 17 otonoom regio's vaan Spanje en daoneve ouch provincie.

De zès eilen zien:

• Majorca (Spaons: Mallorca)
• Menorca
• Ibiza
• Formentera
• Cabrera (neet bewoend, hei bevindt ziech 't Nationaal park Archipiélago de Cabrera)
• Dragonera

Taol

Op de Baleare weurt door de vaste bewoeners Spaons en Catalaons gemojld. 't Catalaons is evels vaan 'n aander variëteit es dat vaan beveurbeeld Barcelona en steit aonder taolkundege bekind es 't Balearisch. 't Balearisch is zelf evels weer verdeild in versjèllende eilandspecifieke dialekte en de bewoeners vaan de eilen zalle daorum zelf de lokale naom gebruke, zoewie 't "Mallorquí" op Majorca, 't "Eivissenc" op Ibiza en 't "Menorquí" op Minorca. Zoe'n 70% vaan de inwoeners vaan de Baleare zeet Catalaons te kinne mojle, dit is evels inclusief Catalaons zoewie dat op 't vasteland weurt gemojld.