Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


De maogdjetoren in Bakoe.

Bakoe (Azerbeizjaans: Bakı) is de houfstad enne wichtigste havestad van Azerbeizjaan. De stad ligk aan 't Kaspisch Maer en haet 'n bevouking van róndj de 2.500.000 inweuners; daomit is 't de grótste stad van Kaukasië.

De stad is mieër es 1500 jaor aad, meh de archeologische vónjste gaon väöl wiejer trögk, toet inkel millennia veure jaortèlling. De stad zelf woort veuren ieëste vermaldj in 885. 't Belank van de stad noom toe wie 'nen aerdsjóddel de stad Shamakhi verinneweerdje. Ouch de lokaasje ane Ziejroute droog bie ane wichtigheid vanne stad. De historische stadsmoer enne Maogdjetore staon oppe Werreldirfgoodlies van UNESCO.

Bakoe, det ummer toet 't Perzisch Riek behuuerdje (mit oetzunjering van 'ne korten tied det 't ónger 't Ottomaans Riek vool), woort in 1805 tiejes d'n Ieëste Róssisch-Iraanse krieg dore Rósse vereuverdj oppe Kadjare.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Bakoe&oldid=454406"