Boeing 757
Dit artikel is gesjreve (of begós) in 't Oeals. Laes hie wie v'r mit de versjillende saorte Limburgs ómgaon.
De Boeing B757 is ein tweemotorig narrowbody verkeersvleegtuug gemaaktj door Boeing in Amerika.
Aan 't enj van'ne jaore ’70 wolle väöl modern maatsappieje aaf van häör aaj Boeing 727’s. Daonaeve merkdje Boeing ouch det 't aantal orders trökleep omdet de A300 op'pe mert waas gebrachtj. Dit vleegtuug waas väöl zuiniger, sjtiller en booj meer capaciteit es de B727. Daorom ontwikkeldje Boeing de B757, ein tweemotorig verkeersvleegtuug mit ein groter vleegbereik en det plaats kos beeje aan ongeveer 180 passageers.
De gesjiedenis
bewirkOp 19 fibberwarie 1982 maakdje 't prototype, eine B757-200, de eerste vluch en op 1 jannewarie 1983 waerdje 't vleegtuug op häör eerste liendeenst (dit waas veur Eastern Air Lines) ingezatj. 't Vleegtuug kos in 't begin maar weinig succes toetdet 't Amerikaanse Delta eine order veur 60 sjtöks plaatsdje en later bekindj maakdje det ziej häör vleegtuuge oet leet röste mit Pratt & Whitney PW2037 motors. Dit waas de derde saort motors womit de B757 kos waere oetgerös. Taegeliek mit de B757 ontwikkeldje Boeing ouch de B767. Dit is ein widebody vleegtuug mit vriejwaal dezelfdje cockpit. Op 28 november 2005 roldje de letste B757, eine B757-200 veur de Chinese lochvaartmaatsjappiej Shanghai Airlines, oet de fabriek. In 23 jaor zeen 1050 B757’s geboewdj.
Euvereinkomste
bewirkAafgezeen van de lengte, zeen vriejwaal alle types 'tzelfdje. Allemaol höbbe ze dezelfdje cockpit, 'tzelfdje lanjingsgesjtel en waere door dezelfdje motors aangedreve.
Versjille
bewirkDe B757-200 en'ne B757-300 versjille in principe vriej weinig. De B757-300 haetj eine langere romp den 't basismodel. De B757-200W haetj winglets op allebei de vleugels. De vrachversie, de B757-200PF, is te herkinne aan'ne laajklep aan'ne bakbaordkantj. Ouch haetj 't vrachvleegtuug gein raame in'ne romp. Ein onzichbaar versjil van'ne B757-300 zeen de sjterker vleugels, motorophanging en lanjingsgesjtel.
Boeing B757-200
bewirkDe B757-200 is 't basismodel van'ne succesvol B757 reeks. In'ne cabine van 't vleegtuug, die ruum 36 maeter langk, 3,5 maeter breid en ruum twee maeter hoog is, kinne maximaal 231 passageers (ingerich mit ein klasse) plaatsnumme. Gebroekelik is, om ongeveer 195 sjteul te plaatse.
De B757-200 waerdje 't basismodel veur de vrachversie van'ne B757 (B757-200PF) en veur de langere B757-300. Boeing booj ouch ein combiversie aan (B757-200M) wovan sjlechs eine is geboewdj en waerdje aafgeleverdj op 15 september 1988 aan Royal Nepal Airlines. Sins juli 2005 haaje lochvaartmaatsjappieje ouch de meugelikheid om B757-200’s oet te laote röste mit winglets. Dees zorge veur eine legere weersjtandj aan'ne uitendjes van'ne vleugels. 't Vleegbereik numptj hiejdoor toe. Vlegers die op dit type mooge vleege, mooge ouch op'pe grotere B767 (oetgezonjerdj de B767-400ER) vleege doordet ze dezelfdje cockpit höbbe.
D'r is ouch nog ein militair versie geboewdj van 't vleegtuug. Dit vleegtuug dreugtj de naam VC-32A. D'r waerdje veer vleegtuuge besjteldj door de Amerikaanse lochmach wovan de eerste in juni 1998 waerdje aafgeleverdj. 't versjil mit de civiel versie zeen ekstra brandjsjtoftanks wodoor 't vleegbereik toenumptj toet 9250 kilomaeter.
Technische gegaeves Boeing B757-200
bewirkLengte: 47,32 m.
Breidte: 38,05 m.
Heugte: 13,56 m.
Kruutssjnelheid: Mach 0.80
Vleegbereik: 4400 - 7290 km.