Bölkubus

Bölkubus is ein popleere naam veur 't conceptuele sjéma woarmit Gerard Hoekveld de ingewikkelde relaties tussje der minsjelike aktiviteite en der rümtelike ömgeving inzichtelik maakde. Mit der bölkubus probierde Hoekveld ein logisje orde aan te bringe in de veulheed va begrippe dëä nöä der introduktie va 't ecoligisch compleks va Chris van Paassen in sociaal geografisch Nederland der ronde maaked in der periode 1965 - 1970.

Centraal in der bölkubus sjtéét 't begrip handelingsverband. Dit zén insjtellingen wöävan lüü deel oet make en va wöä-oet zie handele en bewaege. 't Giët in veul gevalle och globaal á wöärum bepaalde aktiviteite waere bedriëve. Er waerd ein òngersjeid gemaak tussje drei groepe handelingsverbande:

• De hoeshoudens in allerlei mögelike samensjtellinge
• De bedriëve
• De överige gelokaliseerde insjtellinge, wie kirke, överheidsinsjtellinge, vakverein etc..