Bôntj & Blauw

Dit artikel is gesjreve (of begós) in 't Munstergelaens. Laes hie wie v'r mit de versjillende saorte Limburgs ómgaon.

---

Bôntj & Blauw (Nederlands: Bont en Blauw) is ein zate hermenie afkomstig oet 't dörp Munstergelaen. Ze zeen opgerich in 1990 en zeen sindsdien ummer actief aanwezig in de Munstergelaense vastelaovesdaag.

Vereiniging

Ès Munstergelaense vereiniging probere ze zich in te zetten op zoveul meugelik Munstergelaense activiteite. Zo sjpele ze tijdes de optocht van de wienfeeste, ongersjteune ze de handjbalvereiniging bij moeilijke en sjpannende wedstrieje en zeen ze altied beried te sjpele op een activiteit georganiseerd in ôs dorp. Daonaeve laupe ze jeder jaor same met ein troep kènjer met verseerde fitskes op Keuninginnedaag in Ophaove.
Echter boete de activiteiten in de zomer zeen ze uuteraard het meest actief tiedes de vastelaovend. Zo haole ze same met de raod van elf de Prinsen thoes op veur hun receptie en veur hun zitting, zeen ze al jaoren trouw deilnummer aan de Munstergelaense leedjesaovend en assisteren ze ut kènjercomitee aaf en toe tiedes de eupening van de Kènjerzitting. Op de zaoterdig veur de officiele vastelaovend gaon ze same met de raod van elf nao ein aantal receptie’s. Tiedes de groate optocht op maondig sjpele ze urges langs de route, terwijl ze op deensdig same met al die angere deilnummers in de kènjeroptocht door de Munstergelaense sjtroate trekke. Uteraard zeen hun klanke auch te bewonjere nao de optochte in 't gemeinschapshoes en s‘aoves in de cafés.

Gebiedsoetbreiding

Door de jaore haer zeen ze de grenzen van Munstergelaen ontgreujd. Zo acteren ze jaorliks op ein aantal zaate hemeniekes treffes, begeleide ze de prins van de Heikneuters (Lèndjheuvel) en de prins van de Heibuurkes (Lèndjheuvel) nao hun receptie. Auch sjpele ze in diverse zorgcentra tiedes 't vastelaoves seizoen.

Gesjiedenis

In augustus 1990 waor d'r behoefte om de Hollesje leedjes tiedes de vastelaovend de kop in te drukke. Zo kaom 't idee om ein zaate hermenie op te richte dae ès hoofdmoot Limburgse meziek zou gaon sjpele. Ut eesjte optreeje zou zeen op de prinsereceptie van Prins Patrick 1. Vanaaf dat moment zeen ze neet meer oet de Munstergeleanse vastelaovend weg gewaes.

Prins(ess)e

Van 1998 pès 2007 haet Bôntj & Blauw jeder jaor ein Prins of ein Prinses gehat, de volgende (ex-)leden zeen ooit prins(es) gewaes:

Jaor	Prins(es)	Naam
1998	Henk I	H. Brands
1999	Rob I	R. Raymakers
2000	Marian I	M. Smoorenburg
2001	Sef I	S. Boessen
2002	Noël I	N. Mennen
2003	Ellie I	E. Boessen
2004	Tiny I	T. Schmeitz
2005	Walter I	W. Meijboom
2006	Marcel I	M. Dubois
2007	Henk II	H. Brands (oudere-prins)

Kusj van 't jaor

Tössje 1996 en 2007 waor Bôntj & Blauw auch in t bezit van ein 'Kusj'. Dit waor daegene dae zich 't ganse jaor ès kusj gedaage heij. De kusjkes op ein riej:

1996 Bart Gevers
1997 Frits Schmeitz
1998 Frits Schmeitz
1999 Fritz Schmeitz
2000 Frits Schmeitz
2001 Andre Kierkels
2002 Sef Boessen
2003 Andre Kierkels
2004 Chrit Cuypers
2005 Sef Boessen
2006 Noel Mennen
2007 Ton Mennen

Extern Links

https://web.archive.org/web/20100419070048/http://www.bontjenblauw.nl/