Spaorloeazen akkelej

(Doorverweze van Aquilegia ecalcarata)

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Spaorloeazen akkelej.

De spaorloeazen akkelej (Aquilegia ecalcarata of Semiaquilegia ecalcarata) is 'n plantjesaort oete ranonkelfemielje (Ranunculaceae).

De saort kump veur in Centraal- en Oeas-Sjina. Ze greutj in bus, stroekgewesje, graaslenj en waegrenj op 'n huuegdje van 1.800 toet 3.500 m baove zieëspegel.

De bloom vanne spaorloeazen akkelej.

De spaorloeazen akkelej is 'n mieëjäörige, kroedechtige plantj, die greutj toet 20 toet 60 cm hoeag, hieël aventoe zelfs toet 80 cm. De bleujsem is meistes wienroead toet pórper, zeldjzamer ouch witsig. De plantj is rechstäöndj en aventoe knakkendj. De kelch- en kroeanblajer zeen tösse de 10 en 14 mm lank en 4 toet 6 mm breid. De honingklere zeen bao gans oetstaekendj en bao zoea lank wie de kelch- en kroeanblajer. De maeldräöj zeen half zoea lank wie de honingklere. De staminodia zeen min of mieë spitser. De helmknuup zeen duuster.

De bleujtied is van junie toet julie.

De plantj vèltj bieje meiste taxonomische indeilingen ónger Aquilegia, meh wuuertj sómwiel ouch apaart gezatj inne groep Semiaquilegia.

De spaorloeazen akkelej wuuertj hieël aventoe es sierplantj veur steinhäöf en gehöltjrenj gebroek.

Zuuch ouch bewirk

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Spaorloeazen_akkelej&oldid=417797"