Annemiek Derckx
Dit artikel is gesjreve (of begós) in 't Gelaens. Laes hie wie v'r mit de versjillende saorte Limburgs ómgaon.
Annemiek Derckx (Beegde, 12 april 1954) is 'n veurmalige Nederlands Limburgse kanovaarster.
Op jónge laeftied deeg ze aan zjwömme, waterpolo en handjbal. Zoa woort ze twèlfde bie de Nederlandse jeugkampioensjappe zjwömme. Op 14-jaorige laeftied kaom ze in kóntak mèt 't kanovare. Al sjnèl bleek ze talentj te höbbe en wón ze meërdere nasjenale titels.
Zie deeg tweëmaol mèt aan de Olympische Zomersjpele, in 1984 en 1988. Allebei de keëre behaolde ze ein bronze medaje, in 1984 in de K-1 500m kajak en in 1988, same mèt Annemarie Cox, in de K-2 500m kajak klasse.
Derckx wón ouch tweë medajes in de K-2 500 m bie 't Waereldkampioensjap, 'n zilvere in 1987 en 'n bronze in 1985, allebei de keëre weer met Annemarie Cox.
Later woort ze sjportleërares en bewaegingstherapeute. Derckx waas lid van de Remunjse Watersjport Vereiniging Nautilus.
Palmarès
bewirkK-1 500m kajak
bewirk- 1984: brons op de Olympische Sjpele - 2:00.11
K-2 500m kajak
bewirk- 1985: brons bie 't WK
- 1987: zilver bie 't WK
- 1988: brons Olympische Sjpele - 1:46.00
Bron
bewirkDe top 500: "De beste Nederlandse sporters van de eeuw" door A. Witkamp en L. van de Ruit. 1999. ISBN 90-76574-04-9