Angers

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

Angers is 'n stad in 't wèste van Frankriek in 't departemènt Maine-et-Loire, zón 300 km zuudwèstelik van Peries. Angers is de houfstaf van det departemènt. De regio rónjelóm Angers neump m'n historisch owwel Anjou.

Angers is 'n industriestad mit zón 150.000 inwoonders, die me Angevins neump. De stad is gestif woren innen tied vanne Romeinen ane kantje vanne Maine. Zie dank ziene naam ane Andecavi, 'ne Keltische stam. 't Deil vanne stad langs de reveer op is bekandj veure bloomsmerte. De stad kinmirk zich door brei, rechte straoten en väöl greun.

Bekiekenswaerdig zeen 't dertieëndje-ieëfs Kestieël van Angers mit zien diekke, rónj tores, enne romaans-gotische Kattedraol van Angers (Cathédrale Saint-Maurice d'Angers).

Gesjiechte

In 1850 veel de hangbrögk van Angers euvere Maine ineen dore resonantie veroearzaak door 730 seldaote die euvere brögk haer mesjeerde; hiebie bleve 226 luuj doead. In mei 1944 woort de stad zwaor bómberdeerd dore geallieerde; hiebie bleve 422 luuj doead en waas väöl sjaaj aan geboewe.