Äöpen houfmenu

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Alla Poegatsjova.

Alla Borisovna Poegatsjova (Róssisch: Алла Борисовна Пугачёва) (Moskou, 15 april 1949) is 'n Róssische popzengerin. Zie wuuert betrach es ein vanne bekandjste en succesvolste Róssische zengerinne vanne litste decennia.

Poegatsjove zien karrejaer begós in 1965, mitte opnaam vanne single Robot. Deze single woort väöl gedrejdj oppe staotsradio. Vanaaf 1966 begós Poegatsjova mit róndjtrèkke. Zie speeldje piano en verzörgdje de zank veur versjillige popgruup. Tösse 1977 en 1980 maakdje zie e deil oet vanne groep Ritm en in 1977 speeldje zie de houfrol inne feilm Zjensjtsjina, kotoraja pojot ("'t vrouwmis det zingk"). De film waas hieël geleef en woort inne Sovjetunie door 55 miljoen luuj bezóch. In 1978 behaoldje zie d'n ieëste pries op 't twieëdje Intervisiesongfestival (Sopot Festival) mitte nómmer Все Могут Короли ("keuninge mogen alles"). Hiedoor kwaam zien karrejaer in 'n stroumversnelling. Zie óntvóng väöl staotspriezen en speeldje väöl houfrolle; ouch trooj zie op in 't boetelandj, veural in Zwede. Nao 't oetereinvalle vanne Sovjetunie begós Poegatsjova 'n lien reukwater, e radiostation en 'n lien sjoon. In 1997 vertaengewuuerdigdje zie Róslandj bie 't Eurovisiesongfestival.

Zie haet hóngerde miljoene plate verkóch. Inne roddelpers is zie ummer e geleef óngerwerp gewaes door häör veer huweliken en väöl affaires.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Alla_Poegatsjova&oldid=435690"