Agios Nikolaos

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

De Vriethof vaan Agios Nikolaos, bekind um häör frapperende ligking aon de kös vaan Kreta.

Agios Nikolaos (Nuigrieks alfabet: Άγιος Νικόλαος) is de veerde stad vaan 't Grieks eilaand Kreta, kleiner es Iraklion, Rethimnon en Chania, meh groeter es Kastelli. 't Ligk aon de noordooskös es einegste stad (en daomèt belaankrieke handelspos) aon dizze kant vaan de kös. De naom Agios Nikolaos kump hendeg dèks veur in Griekstaoleg Europa, aongezeen Agios Nikolaos Grieks is veur Sinterklaos: 'ne maan dee in de Grieks-Orthodoxie bekind steit es d'n heilege dee euver de matroeze waak en daomèt populair is oonder 't volk vaan havestei. In totaol gief 't zoen 12 plaotse in Griekeland en op Cyprus mèt dizze naom, boevaan dees stad de groetste vaan alle is. Agios Nikolaos behuurt bis de Grieks-antieke stei vaan Europa. In de middel vaan Agios Nikolaos ligk de antieke stad Lato pros Kamara, dèks gewoen Kamara (Aajdgrieks: Καμάρα) geneump. Kamara is de toeristische trèkpleister vaan de stad en de res vaan Oos-Kreta.

Geografie en demografie

Agios Nikolaos heet 'n oppervlak vaan 512 veerkante kilometer en 't gaof in 2011 27.024 lui in de stad. Heimèt heet 't 'n bevolkingsdeechde vaan 53 lui de veerkante kilometer.