Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


't Adele is 'n Niger-Congospraok die gekaldj wuuertj inne Sotouboua-prefectuur in Togo en in Ghana. De spraok wuuertj gekaldj door zoea 37.400 luuj, wovan 26.400 in Togo (2012) en 11.000 in Ghana (2003), en haet de ISO 639-3 code ade.

Anger name veur 't Adele zeen Bedere, Bidire, Gadre, Gidere en Gidire. 't Is 'n anger spraok es 't Adere in Kameroen. De spraekers vanne spraok zeen kristelik of hangen 'n traditioneel geluif aan. In Togo wuuertj 't vouk Bedere geneump; in Ghana Bidire.

In Ghana wuuertj 't Adele gespraoke inne Volta-regio, inne distrikte Nkwanta en Jasikan, ane oeas-centraal grens mit Togo. In Togo kaltj me in 't Baove-Adele dialek; in Ghana in 't Ónger-Adele. De geliekenis van dees twieë dialekte is 85% toet 90%. 't Guuef klein versjillen inne toeane en 't lexicon.

Sins 1986 sjrief me mit 't Letiens sjrif. De graod van gelitterdjheid inne ieëste spraok is minder es 1%; inne twieëdje spraok is det 5% toet 15%. 't Nuuj Testament is van 1996 toet 2001 euvergezatte gewaore. De spraok wuuertj gebroek door luuj van alle laeftieje. In Togo kalle de meiste luuj ouch Éwé en wuuertj 't Adele zelf es twieëdje spraok gebroek door spraekers van 't Delo; in Ghana kalle de meiste luuj ouch Akan.

De spraokstatus veur dees spraok is óntwikkelendj (5); det beteikentj det de spraok laevetig is en det litteratuur in 'n gestanderdiseerdje vorm gebroek wuuertj door sómmige, meh det is nag neet wiedversprèdj of haadbaar.

Classificatie bewirk

  • Niger-Congo
    • Atlantisch-Congo
      • Volta-Congo
        • Kwa
          • Nyo
            • Potou-Tano
              • Basila-Adele

Brón bewirk

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Adele_(spraok)&oldid=381716"