Äöpen houfmenu

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


E collaasj vaan bouwwerke en monuminte in Addis Abeba.
Bove: Stadhoes, Liew vaan Juda, Tiglachin-monumint;
Midde: Sint-Joriskathedraol, Plein vaan d'n 12en yekatit, Centraol statie;
Oonder: Plein vaan de 27e meyazia, Geziech op de stad vaanaof d'n Entoto, Meskelplein.

Addis Abeba (Amhaars: አዲስ አበባ Addis Abäba [adˈdis ˈabəba]; Oromo: Finfinne) is de hoofstad en groetste stad vaan Ethiopië. De stad ligk centraol in 't land, op 'n huugde vaan 2200 meter aon de voot vaan d'n Entoto. De bevolking bedreug naoventrint drei mieljoen lui.

Allewel tot 't gebeed um d'n Entoto al sinds laangeren tied bewoend waor, en mesjiens ouch de plaots vaan de middeliewse hoofstad Barara waor, is Addis Abeba pas in 1886 door keizer Menelik II en keizerin Taytu Beyul gestiech. Door de neet-ideaol ligking greujde de stad in ierste instantie mer laankzaam. In 1936 liefde de Italiaone 't in en maakden 't de hoofstad vaan Italiaans Oos-Afrika. Door de korten tied vaan de Italiaanse kolonisatie (en d'n invallenden Oorlog) kraog Addis Abeba noets e koloniaol karakter. Nao d'n oorlog begós de stad ouch en masse migrante aon te trèkke. Oonder alle rezjiems (keizerriek, communisme, democratie) góng dezen trend door.


Wiki letter w.svg  Dit artikel is e sjtumpke. De kans Wikipedia helpe door 't aan te völle

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Addis_Abeba&oldid=432602"