Achuar-Shiwiar
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
't Achuar-Shiwiar is 'n Jivaroaanse spraok die gekaldj wuuertj in Peru en Ecuador. De spraok wuuertj gekaldj door zoea 7.000 luuj. 't Achuar-Shiwiar haet de ISO 639-3 code acu.
Anger name zeen Achual, Achuale, Achuar, Achuara, Jivaro, Maina en Mayna. 't Guuef gein bekèndje dialekversjille. De spraok is 'n anger es 't Shuar (Jivaro) van Ecuador. De standerd waordvolgorde is SOV en me sjrief in 't Letiens sjrif.
In Peru guuef 't 3.000 spraekers, wovan de mieëderheid einspraokig is. 't Achuar-Shiwiar wuuertj door alle laeftieje gekaldj inne Naordwès Loreto-regio bieje grens mit Ecuador, tösse de revere Morona en Tigre. In Peru is 't 'n erkèndje spraok (1993, Gróndjwèt, artikel 48). 't Guuef allewiel e twieëspraokig óngerrichpergram, wobie me ouch Spaans gebroek. De graod van gelitterdjheid inne ieëste spraok is 10% toet 30%; inne twieëdje spraok is det 1%. 't Guuef e waordebook en 'ne grammair. 't Nuuj Testament woort euvergezatj van 1981 toet 2008.
In Ecuador guuef 't 4.000 spraekers (2007) oet 'n ethnische bevolking van 5.000 (2000). 't Wuuertj gespraoken in 't Pastaza-kanton (Montalvo en Simón Bolívar) en in 't Taisha-kanton inne pervinsje Morona-Santiago (Huasaga); tösse de revere Macuma en Conambo, naordelik vanne gemèndjes Copataza, Montalvo en Conambo, zudelik vanne grens mit Peru. De spraok wuuertj veurnamelik heim gebroek. Väöl spraekers kallen ouch e bietje Naordelik Pastaza Quichua, Shuar en Spaans. 't Achuar-Shiwiar wuuertj in Ecuador oppe lieëgere sjoeal óngerweze. De spraekers hangen euverwaegendj e traditioneel geluif aan.
De spraokstatus veur dees spraok is óntwikkelendj (5); det beteikentj det de spraok laevetig is en det litteratuur in 'n gestanderdiseerdje vorm gebroek wuuertj door sómmige, meh det is nag neet wiedversprèdj of haadbaar.
Classificatie bewirk
- Jivaroaans
- Jívaro