Achtiende iew veur Christus
(Doorverweze van Achtienden iew veur Christus)
negentiende iew veur Christus - achtiende iew veur Christus - zeventiende iew veur Christus
De achtiende iew veur Christus leep vaan 1800 tot en mèt 1701 v.Chr. In dezen tied kump Babylon op es dominante staot in Mesopotamië, dewijl de Hittiete laankzaamaon de Mesopotamische besjaving euvernumme. In Europa breit de broonscultuur ziech oet, dewijl in India al veur 't iers iezer weurt bewèrk. In Egypte steit 't Middel-Keuninkriek in bleuj, dewijl de Indusbesjaving vervèlt. In China bleujt 'n broonstiedcultuur die me mèt de (legendarische?) Xia-dynastie associeert (meh zuug oonder).
Belaankrieke gebäörtenisse bewirk
- 1792 (middelste chronologie): Hammurabi weurt keuning vaan Babylonië. Heer stèlt oonder mie de Codex Hammurabi op, 'n wètbook-echtege teks die hendeg good bewoerd is gebleve.
- 1779: Zimrilim weurt keuning vaan Mari.
- 1766: Traditionelen datum boe-op de Shang-dynastie de Xia-dynastie zouw höbbe aofgezat; allewijl dink me ziech die gebäörtenis, es ze al othentiek is, zeker 'nen iew later.
- 1756: Nao d'n doed vaan Ishme-Dagan I vereuvere de Babyloniërs 't Aajd-Assyrisch Riek. Inkel decennia later maak 't ziech weer los.
- 1757: Hammurabi oonderwerp en plundert Mari.
- 1750 (middelste chronologie): Hammurabi störf en weurt opgevolg door Samsu-iluna.
- 1749: In Babylonië breke diverse opsten oet, die tot 1712 zalle aonhawwe.
Zoonder jaortal bewirk
- Begin Noordse broonstied
- ca. 1800: Troje-VI kump tot bleuj.
- ca. 1770: Babylon weurt de groetste stad op de wereld. 't Haolt de Egyptische residentiestad Thebe in.
- ca. 1750: Meugelek begin Vedischen tied in Indië. Begin Indischen iezertied.
- ca. 1750: Mount Veniaminof in Alaska bers oet mèt 'n VEI vaan 6 (kolossaol).