Achterzètsel

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

'n Achterzètsel of 'n póspositie is 'n functiewaord det op dezelfdje meneer es 'n veurzètsel 'n relatie oetdrök, meh in taengestelling toet 'n veurzètsel neet véúr meh achter 't waord of zinsdeil wuuertj geplaats wo 't betrekking op haet.

In 't Limburgs waere wäörd es aaf ('de trap aaf') en trök ('twieë waeke trök', in 't Nederlands geleden) es biewäörd opgevat, ouch al kinne ze es achterzètsel waere opgevat.

In 't Mofers bestaon aan en euver nag es achterzètsels, waal make zie hie óngerdeil oet van 'n circumpositie: "Tei wóntj taenge Jan euver." Allewiel waere dees dore jeug vervange dore veurzètsele taengeneuver en taengenaan.

In anger tale zeen achterzètsels väöl algemeiner: sommige tale, es 't Hongaars, höbbe zelfs gein veurzètsels, meh allein achterzètsels.

Sommige tale höbbe 'ne apaarte naamval veur achterzètsels: de póspositionalis.