Abcoude
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Abcoude is e dörp in de gemeinte De Ronde Venen, in de Nederlandse provincie Utrech. 't Dörp ligk aon de Vinkeveense Plasse, die veur recreatie gebruuk weure. Abcoude functioneert es forenzeplaots veur Amsterdam, in de ierste plaots veur welgestèlde. Zoewel de hervörmde es de katholieke kèrk höbbe e bezeensweerdeg interieur. Ouch steit bij Abcoude e fort. Bij de kern Abcoude huurt ouch de naobersjap Stokkelaarsbrug.
Tösse 1817 en 1941 waor de gemeinte Abcoude gesplits in Abcoude-Proostdij ('t modern dörp Abcoude) en Abcoude-Baambrugge ('t dörp Baambrugge). In 2011 woort ze aon De Ronde Venen touwgeveug. Ze had 'n oppervlak vaan 32,11 km2 (woevaan 1,72 km2 water); op 1 januari 2010 had ze 8789 inwoeners.