Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


't Abau is 'n Sepikspraok die gekaldj wuuertj inne Sandaun Provincie van Papoea-Nuuj-Guinea, bieje Sepik- enne Green-reveer. De spraok wuuertj gekaldj door zoea 7.270 luuj (2000) en haet de ISO 639-3 code aau.

'nen Alternatieve naam veur 't Abau is Green River. 't Guuef versjillige dialekte, namelik Centraal-Abau, Downriver-Abau, Downriver-border-Abau en Upriver-Abau. De versjille tösse de dialekte zeen zoea groeat det (zeker jónger) spraekers van versjillige dialekte Tok Pisin es communicatiemiddel gebroek. 't Tok Pisin wuuertj ouch gebroek es neet-Abauspraekendje luuj aanwaezig zeen. De spraok wuuertj door alle laeftieje gebroek en 't aantaal spraekers stieg, meh jóngere preferere ummer mieër 't Tok Pisin. Dees spraok wuuertj denouch door 90% vanne Abauspraekers gespraoke.

De spraok wuuertj in 't Letiens sjrif gesjreven en ouch oppe lieëgere sjoeal óngerweze. 't Guuef poëzie in 't Abau. De graod van gelitterdjheid inne twieëdje spraok is 60% (wiebie de kinjer ieëder kónne sjrieven es de eljers).

't Abau is 'n nominatief-accusatiefspraok mit SOV waordvolgorde.

De spraokstatus veur dees spraok is óntwikkelendj (5); det beteikentj det de spraok laevetig is en det litteratuur in 'n gestanderdiseerdje vorm gebroek wuuertj door sómmige, meh det is nag neet wiedversprèdj of haadbaar.

Classificatie bewirk

Brón bewirk

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Abau&oldid=355501"