Óntstaekingssysteem
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
't Óntstaekingssysteem van 'ne verbranjingsmotor is 't systeem van accu, bobien, stroumverdeiler, óngerbraeker en bougies, det oppe juusten tied de óntbranjing van 't gecomprimeerdj gaasmingsel verzörg.
De oetvinjer vanne verbranjingsmotor waas eigentlik alein meh meugelik doordet inne zelvendje periood ouch oetvinjingen en óntdèkkingen op lektrikgebied woorte gedaon die 't óntstaekingssysteem zówwe gaon heite. 't Waas oeteraerd ónmeugelik óm handjmaesig ederskieër wen de zuger mitte compressieslaag bezig waas e vunkske te make. 't Bleek aevel meugelik de lieëg spanning van 'nen accu óm te vörme toet 'n hoeag spanning en daomit 'ne vónk te laoten euverspringe tösse de lektrode van 'n bougie en zoea de óntstaeking te verzörge.