Zjwaams

Dit artikel is gesjreve (of begós) in 't Zjwaams. Laes hie wie v'r mit de versjillende saorte Limburgs ómgaon.

Zjwaams is de eige benaming veur 't plat van Zjwame, det in de plaats Zjwame en omgaeving gekald waert. Zjwaams is ein dialekvariant van 't Limburgs en is sjterk Midde-Limburgs van karakter.

Kinmèrke bewirk

't Zjwaams wiek neet wezelik aaf van 't Remunjs. E verneumeswaerdig versjil is det in 't modern Zjwaams d'n oetgank van de tweede persoon inkelvoud véúr d'n oetgank van de verleje tied kump: paksde/haolsde (Zjwame) - pakdes/haoldes (Remunj).

Sjleiptoon en valtoon bewirk

In 't Zjwaams waert óngersjied gemaak tösse sjleiptoon en valtoon. Ein good veurbeeldj hiebie is 't waord 'sjoon'. 'Sjoon' mit valtoon beteikent 'mooi', terwiel 'sjoon' mit sjleiptoon 'schoen' of 'schoenen' beteikent.

't Versjil tösse inkelvoud en meervoud kins se dök aafleie aan 't wäördje det daoveur sjteit: diene sjoon is eine sjoon, dien sjoon zeen d'rs twee.

Gein óneigelike tweeklanke bewirk

In Zjwame waert 'twee', 'groot' en 'geweun' gezag, en neet 'twieë', 'groeat' en 'gewuuen'.

Panninger Linie bewirk

Zjwame lèk ten weste vanne Panninger Linie, wodoor in Zjwame van "sjtad" en "sjtaon" gekald waert. In 't Zjwaams kump dus ein "j" tösse de "s" en de "t". Det guldj ouch veur wäörd die beginne mit zjw-, sjl-, enz.

Aad en kaad bewirk

Wo in anger dialekte 'aojer', 'kaod', 'haoje' waert gezag, is det in 't Zjwaams 'ajer', 'kaad', en 'haje'.

Zeen ouch bewirk

Remunjs