Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Xenon is 'n sjeikundig element mit symbool Xe en atoomnómmer 54. 't Is 'n kleurloos edelgaas.

Ontdekking bewirk

Xenon is in 1898 ontdek door William Ramsay en Morris Travers wen 't es residu achterbleef tiedes 't óngerzeuke van vloeibare lóch.

De naam xenon kömp van 't Griekse ξενоς (xenos) det vraemdeling beteikentj.

Toepassinge bewirk

't Gaas xenon wuuertj väöl gebroek in diverse gaasontlajingslampe, wie bacteriële lampe, elektronebuze, stroboscope en elektroneflitsers, meh ouch in lasers. 't Isotoop 133Xe is broekbaar es radio-isotoop. In de ruumdjevaort wuuertj xenon gebroek es brandjstof in ionemotore. Op vandaag waere mit xenongaas gevuldje gaasontlajingslampe ouch toegepas in de automobielindustrie, deze lampe gaeve 'n toet 3 maal baeter zich es conventionele halogeenlampe.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Xenon&oldid=369689"