Dit artikel is gesjreve (of begós) in 't Gelaens. Laes hie wie v'r mit de versjillende saorte Limburgs ómgaon.


    Lèt good op 't veurbehawd bie medische informatie.
Gank bie gezóndjheidsklachte nao 'nen hoesdokter.
'ne Wegesjeet

'ne Wegesjeet, in anger dialekte sóms ouch waal wesjoug, waegesjeet of war geneump, (Latien: hordeolum externum, Nederlands: strontje, stijg of, in bepaolde Nederlandse dialekte, 'ne paddenpisser) is 'n óntsjtaeking van de oaglidrandj door 'n infectie van 'n talgklierke (klier van Zeis) of 'n zjweitklierke (klier van Moll) biej 't haorzekske van ein wimper. Eine hordeolum externum wirt meistal veroarzaak door 'n bacterie oet de femilie van de stafylokokke.

Eine wegesjeet is zichbaar es 'n klein pienlik road knubbelke op de randj van 't baove- of óngeroaglid, sóms mèt 'n gael köpke. Op 'n gegaeve mement barsj 't aope, wonao zich wat pus óntlas en de óntsjtaeking meistal sjpontaan verdwient. Behanjeling is nauweliks neuëdig, hoewaal dèks wat antibiotische zauf wirt gegaeve. Me kènt prebere de rieping van 't abces wat te besjpoedige door werm nate compresse.

Ein 'hordeolum externum' mót waere óngersjeije van 'n hordeolum internum en 'n chalazion.

Etymologie bewirk

Waege, wege sjteit veur sjmart, wee (pien doon), sjeet sjteit veur knippere mèt de ouge. War is aafgeleid van ’t awt-Duutsje Werre of Warre dat sjteit veur gaerstekaore (gerstekorrel).

Op 't Luxemburgs gebroek me precies dezelfde wäörd Weeschësser "waegesjeet" en Geeschtekär "gaerstekorrel".

Zuug ouch bewirk

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Wegesjeet&oldid=424958"