Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Insigne vaan de STS-130 missie
De Tranquility module
Cupola

STS-130, ofwel voloet Space Transportation System 130, is 'n Space Shuttlemissie nao 't International Space Station. De missie weurt oetgeveurd door de Space Shuttle Endeavour. Op 7 fibberwarie 2010 zouw d'n Endeavour gelanceerd weure[1], mer door teväöl bewolking is dat oetgestèld. De volgende poging 8 fibberwarie, um 04:14:08 EST (10:14:08 Nederlandsen tied) lökde wel. Nao dees missie gief 't nog veer missies veurtot de Space Shuttles mèt pensioen goon.

Op 6 jannewarie 2010 um 4:13 oor EST (10:13 Nederlandsen tied) begós de reis vaan 't Vehicle Assembly Building nao lanceerplatform 39A, boe heer aonkaom um 10:37 oor EST (16:37 Nederlandsen tied).

De primair vrach is de Tranquility module en de Cupola, 'n observatieoonderdeil mèt zès vinsters aon de zijkante en nog eint in 't midde, boedoor 360 graode roond geloerd kin weure aon de boetekant van 't ISS.[2] De vörm vaan de Cupola is trök te vinde in 't insigne.

Bemanning bewirk

De bemanning besteit oet 6 persoene: commandant George D. Zamka, piloot Terry Virts, en de missie specialiste Kathryn P. Hire, Stephen Robinson, Nicholas Patrick en Robert L. Behnken. Veur Terry Virts is 't de ierste ruimtevlöch.

De missie bewirk

Nao de lancering op 8 fibberwarie heet d'n Endeavour aon 't ISS gekoppeld op 10 fibberwarie. D'r höbbe drei ruimtewandelinge plaotsgevoonde (op daag 5, 7 en 10), die in 't teike stoonte vaan 't koppele vaan de Tranquility module en de Cupola module.[3] Op daag 7 woort bekind tot de missie mèt einen daag verlengk zouw weure. De landing voont plaots op 21 fibberwarie 2010 um 22:22:10 EST (4:22:10 Nederlandsen tied), boemèt de totale lengde vaan de missie oetkump op get mie es 13 daog en 18 oor.

Referenties bewirk

  1. Chris Gebhardt and Chris Bergin (27 jannewarie 2010). "STS-130: Agency FRR aproves February 7 launch date for Endeavour". 
  2. "Node 3 and Cupola Information Kit". November 2009. 
  3. NASA (1 jannewarie 2010). "STS-130 Mission Summary". 
 
Commons
In de categorie STS-130 van Wikimedia Commons zeen media gerelateerd aan dit óngerwerp te vènje
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=STS-130&oldid=346047"